Önnur 10% þjóðarinnar ókomin

á Vog. Enn. Ótrúlegt hvað fólk þráast við í vonlausri baráttu að ná tökum á drykkjunni.Allir þekkja einhvern í sínu nánasta umhverfi sem er drykkjumaður, en fáir skilja eymdina og uppgjöfina sem þetta fólk glímir við á hverjum degi. Við vitum ekki hvernig á að hjálpa þessu fólki en það vita þeir manna best á Vogi. Ég tel að við hjálpum þessu fólki best með því að styrkja sjúkrahúsið Vog, allir eru aflögufærir um nokkra þúsundkalla.

Þú gætir verið næstur !

Mörg lýðveldisbörn hafa komið á Vog

Miklir ógæfumenn eru þetta

að sjá ekki lengra en nef þeirra nær. Skammsýn sjónarmið, engin stefna, skyndigróði rekur svona menn áfram. Þeir eyðileggja allt sem þeir snerta. Allt er hálfkák sem þeir snerta á, ekkert klárað. Strax hlaupið frá öllu. Engin eirð,engin ró. Græðgisnjálgurinn étur þá innan frá. Gott á þá.

Þeir verða aldrei frjálsir.

Salan ekki án aðdraganda

STJÓRNIN GETUR EKKI SELT EITT EÐA NEITT. HÚN Á EKKERT

Því hún hefur ekki eignarhald á neinum auðlindum eða veraldlegum eigum. Henni hefur verið falið umboð til að varðveita , bæta og nýta , en  hún getur ekki ráðstafað eignum Islendinga sem sínum eigin. Halda þessir stjórnarmeðlimir að Ríkið og Alþingi , sé þeirra eign og til fyrir þá ,eru þeir blindir og heyrnarlausir sem kettlingar. Úrtölulið, minnipokafólk og dauðans lyddur og slettirekur.

Menn hafa gjörsamlega misst sig í æsingnum að klára þetta sorgarferli sem fyrst. Þetta er illa dulin einkavinavæðing af verstu sort. Og verður ekki falið í talnaflóði og súluritum. Þeir alþingismenn sem einhvern sóma og heiðarleik eiga eftir , skulu segja sig úr stjórninni sem fyrst. Ef það er ekki þegar um seinan.

LANDRÁÐ er vægt til orða tekið.

 

 

Það var búið að vara við þessu. Nú er kominn að tími til reisa níðstangir og gálga á Austurvelli

Magma eignast 98,53% í HS Orku

TM hf. , Stoðir , FL-Group

Langur hali á eftir ungum manni sem lítur út sem fermingardrengur. Virðist jafnvel feiminn og óöruggur með sig, krosslagðar hendur og uglugleraugu. Látlaus jakkaföt og bindi , ermahnappar. Bakgrunnurinn skýjaborgir  og auglýsingar. Myndin er tekin þannig að hann virðist stærri og valdsmannslegri. Ekki er allt sem sýnist.

Er þetta maður sem stelur öllu steini léttara ? Stelur frá ekkjum, einstæðingum, barnafólki, fötluðum, langveikum og andlega vanheilum ? Bankaræningi. Flugvélaræningi. Skilur eftir sig sviðna jörð, atvinnumissi og eymd ???

Þessi drengur er nú að búa sig undir heimsókn manna , sem munu banka upp á og spyrja eftir pabba . Samfélagið kostar þá heimsókn , og hinn bitra eftirleik og maður spyr sig : Hvað lagði hann til samfélagsins, hverju hefur hann afrekað, hvað hefur hann látið gott af sér leiða ? Á hann sér málsbætur ?

Bíðið og þér munuð sjá

Fer úr stjórn TM

Viðurkenning og auglýsing hin besta

Óska henni til hamingju enda vel að verðlaununum komin. Þessi hnáta hefur alltaf barist á móti straumnum og farið sínar eigin leiðir jafnt í tónlist sem klæðaburði. Það er hugrekki, kjarkur og lífsþor.

Björk fékk Polarverðlaunin

4 ár = 1460 dagar =208 vikur = 48 mánuðir

Ekki svo langur tími í raun og fljótur að líða. Mér þykir gott að heyra að Eva Joly skuli  vera ánægð með rannsóknina. Þessir hvítflibba-glæpir drepa skaða og meiða kannski á annan hátt en beint ofbeldi en gera það engu að síður, og á verri hátt. Fólk sem ég þekki hefur liðið geysilga illa frá hruninu, tapað sparnaði og framfærslu og er örvæntingarfullt um framtíðina. Sama hvernig fer, þá  sitja þau uppi með óviðráðanlega skuld, þótt allt hafi verið tekið af þeim og selt fyrir 30% andvirðis. Þetta er ofbeldi í sinni verstu mynd. Pyndingar.

Látum kústana sópa út úr svínaríinu en við viljum fá að fylgjast með vel og vandlega.

Rannsóknin gæti tekið 4 ár

Eyjamenn ,peyjar og pysjur eru duglegt fólk

Harðduglegt og fylgið sér sem er gott. Allir muna eftir gosinu stóra í Heimaey og reyndi þá á Eyjaskeggja til hins ítrasta en þeir stóðu það af sér og munu gera það líka núna.
Áfram Eyjamenn !

Eyjamenn taka til hendinni

Fangelsi eða afkynjun ?

Sum dagblöð birta nöfn gerenda og jafnvel mynd , önnur ekki. Ég tel þó til bóta að birta bæði mynd og nafn barnaníðinga sem brjóta ítrekað af sér.

Lög frá 1938 um afkynjun/vönun voru afnumin nýlega enda úrelt og afsprengi hreinræktarstefnu þess tíma. Það er vel.

Fangelsi tekur þessa einstaklinga úr umferð tímabundið en leysir ekki vandann. Því ekki að gefa þeim valkostinn fangelsi eða kemíska vönun með langverkandi lyfjum og til æviloka. Það er , meðhöndla þessa einstaklinga sem andlega sjúka . Það væri réttara og mun ódýrara fyrir samfélagið. Og áhrifaríkara.

Barnaklám telja sumir hverjir , að séu persónuréttindi og tengja það  tjáningarfrelsi. Japanir felldu nýlega lög sem bönnuðu meðal annars vörslu barnaklámefnis  (lagafrumvarp). Það væri brot á tjáningarfrelsi einstaklinga. Þarna er réttur barnsins  sem verður fyrir verknaðinum brotin. Margt er skrýtið í heimi hér.

Fangelsi fyrir ítrekuð kynferðisbrot

Hanna Birna, ó Hanna Birna, segðu nú satt

Já ! Svakalega kemur hún sterkt út í könnun MMR . Sjálftökuflokkurinn kaupir könnun eins og bankarnir keyptu sér AAA hjá Fitsch. Allt er falt, sérstaklega skoðanir hjá skoðanakönnunarmiðlum. En bara 30 % eru  á  öðru máli. Er það ekki gott ? En fjárhagsstaða borgarinnar við sundin blá ? Er hún í raun svona góð.  

 

Salvör Kristjana Gissurardóttir ritar þessa grein : (stytt)

Þegar upp er staðið og farið yfir þá fjóra meirihluta sem hafa verið í borgarstjórn Reykjavíkur á þessu kjörtímabili þá er það eingöngu meirihluti nr. 2 (undir forustu Dags Eggertssonar með þátttöku Óskars oddvita Framsóknarflokksins) og nr. 4 (undir forustu Hönnu Birnu og með þátttöku Óskars oddvita Framsóknarflokksins) sem hafa staðið af trúmennsku og áreiðanleika að málum og unnið í sátt og samvinnu við borgarbúa og af heilindum að hagsmunum þeirra.

 

En það hvernig Hanna Birna talar um ársreikning borgarinnar núna minnir óþægilega mikið á fyrri kosningaslagorð Sjálfstæðisflokksins, minnir mikið á þegar Geir Haarde og Þorgerður Katrín seldu kjósendum ímynd sína sem "Traust efnahagsstjórn - þegar öllu er á botninn hvolft". Málið var það að öllu var á botninn hvolt og þegar ausið var úr þeirri fötu kom í ljós að þeirra efnahagsstjórn minni en ekki nein og þau voru í yfirhylmingarreið yfir spilltu og sjúku fjármálakerfi og sök þeirra er svo mikil í þeirri yfirhylmingu að ég skil ekki  ennþá hvers vegna þau eru ekki kölluð fyrir Landsdóm. 

Þess vegna finnst mér borgarbúar eiga kröfu á að vita hvernig staðan raunverulega er núna fyrir kosningarnar, hverjar eru þær skuldbindingar sem munu falla á borgarsjóð ef aðrir aðilar sem borgin er í ábyrgð fyrir munu ekki geta staðið við sínar skuldbindingar. Þá á ég sérstaklega við skuldbindingar  vegna skulda Landsvirkunar og hvernig standa málin út af sölu Landsvirkunar, sölu sem var fullnustuð í tíð 1. meirihluta, í byrjun þess kjörtímabils sem nú er að enda. Þeir borgarfulltrúar sem samþykktu þann samning samkvæmt fundargerð borgarráðs 11. nóvember 2006 voru:

Hanna Birna Kristjánsdóttir
Jórunn Frímannsdóttir
Júlíus Vífill Ingvarsson
Björn Ingi Hrafnsson.

Hver er staðan  í lok kjörtímabilsins?
Er líklegt að þessi samningur skelli á okkur, okkur að óvörum  eins og gerðist með  Icesave? Hvernig var borgun háttað frá Landsvirkjun? Var það bara að taka yfir lífeyrisskuldbindingar? Var þessi samningur einhver díll til að byrja að koma orkuauðlindum Íslendinga til einkaaðila,  aðgerð sem raunar bæði Samfylking og Sjálfstæðisflokkur hafa staðið að? Hvað ef Landsvirkjun getur ekki staðið við sínar skuldbindingar? Lenda lífeyrisskuldbindingar þá ekki hvort sem er á borginni? Ef allt fer á versta hugsanlega veg, þýðir það þá að borgin seldi Landsvirkjun gegn einhverjum skuldabréfum sem hugsanlega fæst ekkert fyrir og gegn yfirtöku lífeyrisgreiðsla sem munu koma hvort sem er koma í fangið á borginni?

Hvernig er samningurinn um söluna á Landsvirkjun? Getur verið að risastór hlutur í stærsta orkufyrirtæki Íslands hafi verið seldur fyrir spilapeninga og möndl og getur verið að sú staða komi upp að Reykjavíkurborg eigi ekkert í Landsvirkjun og engar forgangskröfur í eignir þar en standi uppi með ábyrgðir fyrir mikli stærri upphæð?

Þeir borgarfulltrúar sem skrifuðu undir samninginn um sölu á  Landsvirkjun á sínum tíma verða að hlíta því að fjárhagslegt innsæi þeirra og geta til að stýra stórum fyrirtækjum eins og Reykjavíkurborg séu metnir á grundvelli stærstu og afdrifaríkustu samninga sem þeir gera. 

Því spyr ég. Þegar Hanna Birna seldi Landsvirkjun fyrir fjórum árum, var það góður díll?

Meirihlutinn ánægður með Hönnu Birnu

Er skortur á hjúkrunarheimilum svona mikill ?

Ég er ekki svo viss um það. Er ætlunin að hvert bæjarfélag hafi eitt eða fleiri hjúkrunarheimili ? Þau þarf einnig að manna alúðlegu og hæfu fólki. Og sjá fyrir rekstrarfé.

Þetta kemur illa heim og saman við boðaðan 40 milljarða sparnað. En...

Hvað er í raun verið að kaupa hér ? Fylgi ? Eða fá inn nýja og fleiri fasta tekjuliði   ? Hlutdeild  ríkisins virðist ekki mikil enda ætlast til að sveitarfélögin láni allt framkvæmdafé frá íbúðalánasjóði. 

"Félags- og tryggingamálaráðuneytið mun á 40 árum greiða Mosfellsbæ hlutdeild í húsaleigu vegna húsnæðis sem ígildi stofnkostnaðar. Félags- og tryggingamálaráðherra gekkst nýlega fyrir lagabreytingu sem heimilar Íbúðalánasjóði að lána sveitarfélögum fyrir öllum byggingakostnaði hjúkrunarheimila og er framkvæmdin í Mosfellsbæ byggð á þeim grunni.Níu sveitarfélög hafa átt í viðræðum við ríkið um byggingu hjúkrunarheimilis og hefur Mosfellsbær verið í forsvari fyrir þau. Gert er ráð fyrir að framkvæmdir við hjúkrunarheimilið hefjist nú í sumar og það verði tekið í notkun vorið 2012."

Svo eru lífeyrissjóðirnir að spandera fé félagsmanna í öryggisíbúðir sem eru bara  flopp. Eldri borgarar eru platðiir að leggja allt sitt fé í litla íbúð í háhýsi og öryggið er orðum aukið. Ef eitthvað bjátar á er hvort sem er hringt í 112 og sjúkrabíll pantaður. Fölsk fjárfesting og falskt öryggi.

Er ekki nóg komið af svindli og fúppi ! 

Byggja hjúkrunarheimili í Mosfellsbæ