Velferðarkerfið (þarf) á að grennast ! Stólpípa Jóhönnu

Utanríkisráðuneytið heldur úti dýrum sendiherrum og sendiráðum. Köllum þá heim og látum dani sjá um þetta fyrir okkur.Seljum sendiráðin. Það er gervihnattaöld ef einhver hefur misst af því. Bréfdúfur ?

Það má líka hreinsa til í hinum ýmsu embættum hjá ríkinu, þar sem sumir hafa gróið fast við stólana sína og enginn veit hvað þeir gera.

Grunn þjónustan , heilsugæslan , getur meira. Allt annað er bull. Borgið þeim bara betur og tífaldur sparnaður kemur strax í ljós.

Byrjið að fækka starfsmönnum sem gera ekki annað en framleiða skýrslur sem enginn les. Nóg er af slíku fólki, með hátt kaup en enga getu til vinnu á gólfinu. Á gólfinu eru verkin unnin og af fagfólki ,sem neyðist til að eyða dýrmætum tíma í quasibull og vitleysi á endalausum fundasetum.

Svo eru rafræn færslukerfi spítalanna orðin svo viðamikil að starfsfólk hefur varla tíma fyrir hið raunverulega starf. Matadorleikur með gervipeninga og gæðastjórnunarferli í eilífri hringrás. Þetta gefur lítið sem ekkert bitastætt og kostar fáránlega mikið. Þetta er bara common sens í nonsens kerfi.

Hvað á að skera niður í almannatryggingarkerfinu ? Láta sjálfstætt starfandi lækna borga meiri afslætti, eða borga með sér ? Banna ákveðnar aðgerðir ? Láta sjúklingana borga sjálfa ?Níðast á fárveiku fólki með reglugerðarnauðgunum og svívirðingum ? Skerða smánarbæturnar til öryrkja enn meira ?

Leggið TR niður, þar mun sparast óhemjumikið fé. Rekið alla. Þessi stofnun er skrímsli sem er í nöp við lækna og sjúklinga og TR er alltaf að stækka. TR eru einskonar flóttamannabúðir fyrir óhæft fólk, menn sem þarf að losna við, sérstaklega topparnir. (undantekningar eru til)

Forgangsröðun ? Hvað kann eða veit Árni Páll um forgangsröðun í heilbrigðisgeiranum.? Hann er Nató-mangari og Brussel kerfiskarl sem mestmegnis hefur alið manninn í fínum sölum sendiráða utanríkisþjónustunnar sem gamalt Alþýðubandalagshjú. 

Hvernig væri nú að veita einu sinni því fjármagni í heilbrigðiskerfið og almannatryggingar sem þarf í stað þess að gefa í skyn að þar sé eytt óhóflega og alltaf þurfi aukafjárveitingar. Verið að ala á óvild í garð lækna og stjórnenda spítalans.  Á sama tíma á að henda 700 millj í PR fyrir Ísland og milljörðum í utanríkisþjónustuna . Landi sem auglýsir sig sjálft og vel að merkja okkur að kostnaðarlausu, með mikilfenglegu eldgosi og mikilli erlendri umfjöllun. Tölum nú ekki um þá ókeypis umfjöllun sem þessi og fyrri ríkisstjórn hafa fengið um víða veröld. Hryðjuverkastjórnin. Helfararstjórnin gegn Íslendingum. Bogin bök okkar halda  uppi geysilegri yfirbyggingu afæta sem sitja um að éta af hverri krónu sem aflað er. Við sem vinnum verðmæti úr sjó og  landi sem  lofti erum langþreytt. Afætuhlutinn eykst jafnt og þétt. Þar er ekki sparað eða skorið niður. Til hvers ? Þeir eru að verða búnir að ná öllu af okkur og við sitjum uppi með skuldirnar um ókomin ár.

Nú þegar er sparað svo mikið á spítölum landsins að algeng krabbameinslyf voru ekki til vikum saman og fólk gat ekki hafið meðferð. Enginn veit afleiðingarnar. Hugsi hver fyrir sig. Hvernig liði þér með nýgreint krabbamein eða meinvarp.

Kannski á að spara lyf við krabbameinssjúklinga, börn sem aðra ? Neita þeim um lækningu erlendis ?Neita þeim um lyf sem gagnast ?  Forgangsraða ! Of gamall. Of ungur. Of fátækur. Ekki flokksbundinn.

-Nei. Stjórn Albónómærinnar eyðir verðmætunum í hjóm og fánýti , leynimakk og svikráð. Nú á að stofna lífi fólks í hættu með samdrætti og sinnuleysi.

Sinnu- og athafnaleysið er það versta. Það drepur allt sem byggt hefur verið upp af alúð og hjartahlýju.

Vanti ykkur 40 milljarða eða meira þá hunskist til að sækja þá. Þið vitið hvert fara skal ! 

Reiður 

 

Velferðarþjónustan skorin niður

Ungviði má fyrirgefa hallærisskrif

Ef til er ágalli sem eldist af fólki, þá er það að vera of ungur.

Flest allir vitkast eitthvað með árunum.

Bubbi hraunar yfir Sindra Eldon

Dæmigert og rakið eða ....vanir menn og góð tæki

Skoðið CV/ferilskrá Álfheiðar.

Hún er ekki með nein tengsl við heilbrigðisgeirann, hefur enga undirstöðuþekkingu að byggja á. Hún veit ekkert hvernig heilsugæslustöð starfar eða hvað þar fer fram.Hún veit bara hvernig það er að búa í Reykjavík þar sem þú getur skroppið til næsta sérfræðinga á stofu þegar þú finnur sting. Og ég efast líka ,að hún viti nokkuð um baslið við að halda heilsugæslu úti á landsbyggðinni starfhæfri. Afleysingafólk kemur og fer, læknisleysi plagar, langt að sækja alla þjónustu .Sjúkrabíllinn bilaður, veður vond, ófærð og bið eftir að komast til læknis.

Hún lofar þegar hún stendur framni fyrir lifandi fólki  (hrædd) en svíkur þegar hún er sest bak við valdaskrifborðið.

Það sem ég skil ekki er þetta: Hvernig geta menn látið konu , sem  hefur enga undirstöðuþekkingu á heilbrigði manna og heilbrigðisstofnunum (þ.m.t. spítalar), í té þessa valdastöðu.

Sauðkind gæti gert betur en hún. 

Minna Álfheiði á heilsugæsluna

Óhæf stjórn kýs sjálfa sig á ný ! Kannast við þetta

Stjórn Gildis hefur margsinnis sannað óhæfi sitt en þrásitur við stjórnarborðið. Þessarri nýjustu Excel-skjalabrellu geta þeir troðið í svartholið á sér og kveikt svo í með Zippokveikjara.

Hér duga engar Barbabrellur. Axlið ábyrgð eða þið verðið bornir út og kjöldregnir. 

Gildi svarar Sjómannafélaginu

Að verjast eða ekki verjast.....varla spurning lengur

Auðvitað er þetta harmleikur. Fyrir okkur öll. Allir hafa tapað og sigurvegari er í rauninni engin. Hvað vinnst og hvað fer forgörðum ????  Bónusfeðgar byrjuðu vel. Flestallir voru ánægðir með Bónus og bleika grísinn á gulu plastpokunum. Síðan fór að ganga of vel of lengi. Þeir stækkuðu og stækkuðu. Færðu stöðugt út kvíarnar. Hefði allt gengið eðlilega fyrir sig, með heiðarlegum viðskiptaháttum og með hag neytenda að leiðarljósi , þá væri staðan önnur í dag. En þeir fetuðu breiða veginn og fóru halloka að sinni.

Mér finnst viss reisn í því að játa sig sigraðan, viss manndómur og visst innsæi. Það verður ekki af JÁJ tekið.En mér finnst þetta sorglegt. Allt saman.

 

PS. Hvernig getur það kostað 300 millj að verjast í slíku máli ??? Hvað skyldu margir missa vinnuna og framfæri sitt ???

Stefnan í höndum lögmanna Jóns Ásgeirs

Hafa skal það sem réttara er

Pálmi var varaformaður stjórnar FL Group. En að halda því fram að hann hafi ekki vaðið í sjóði Glitnir er ekki trúanlegt. Höguðu sér eins og smástrákar  (götustrákar) í sælgætisbúð. Tróðu öllu í sig og á og á sem skemmstum tíma.

Kannski var hann bara vara-varaformaður FL Group. Varmenni.

Pálmi: „Þetta er galið“

Bygging nýs FlibbaFangelsis í burðarliðnum.

Ónefndur velgjörðamaður (Benefactor)  hefur lagt til 20 milljarða til byggingu nýs fangelsis fyrir fína afbrotamenn sem mun reist í tengslum við Hótel Hollt í Reykjavík. Ströng öryggisgæsla verður viðhöfð:Verðir eru sérþjálfaðir þjónar Hótel Hollts, vanir umgengni við þessi mikilmenni afbrota.

• Allir fangar / vistmenn hafa sér herbergi með hótelstandard
• Enikennisfatnaður verða teinótt jakkaföt með silkibindi og fanganúmeri á bindisnælu og ermahnöppum.
• Allar máltíðir verða 3.ja rétta skv matseðli Hótel Hollts hverju sinni.
• Reykingar aðeins leyfðar  á tíma sem afmarkakast milli Kl 00-24 alla daga vikunnar.
• Einkaþotur verða bannaðar
• Einkabílstjóri  tilækur fyrir skemmri snattferðir, viðskiptafundi og bíóferðir.
• Læknir og sjúkranuddari tiltækir Kl 07-23 alla daga vikunnar.
• Einangrun í vínkjallara hússins verður beitt við reglubrotum allt að 24 Klst án dómsúrskurðar.
• Fyrir fjölskyldufólk eru sérstakar svítur búnar Presidentialstandard.

Þar geta menn hugsað sitt ráð og bruggað nýjar ráðagerðir.

Bitra , gamla kvennafangelsið, kom til tals en þótti of "sveitó og of langt að fara".

Kerfisbundið og skipulagt

Athyglisver um S og Hönnu Birnu

Mér þótti þetta afar merkileg grein sem SKG ritar á blog.is og reyni því að dreifa henni víðar 

Salvör Kristjana Gissurardóttir ritar þessa grein : Manngildi ofar Auðgildi

 "Hanna Birna fráfarandi borgarstjóri Reykjavíkur  leggur stolt fram ársreikning borgarinnar núna í lok kjörtímabilsins. Það er mikilvægt núna rétt fyrir kosningar að reyna að ná til borgarbúa og fá þá til að halda að allt sé í lagi með fjármál borgarinnar. Enda kemur ársreikningurinn alveg ágætlega út, sýnir styrka efnahagsstjórn og við öll sem núna tökum þátt í borgarmálunum vitum að þar er vel unnið núna, unnið í sátt og samvinnu, unnið í anda Samvinnumanna. Þannig var það því miður ekki í stjórn Reykjavíkurborgar alltaf á þessu kjörtímabili.  Þegar upp er staðið og farið yfir þá fjóra meirihluta sem hafa verið í borgarstjórn Reykjavíkur á þessu kjörtímabili þá er það eingöngu meirihluti nr. 2 (undir forustu Dags Eggertssonar með þátttöku Óskars oddvita Framsóknarflokksins) og nr. 4 (undir forustu Hönnu Birnu og með þátttöku Óskars oddvita Framsóknarflokksins) sem hafa staðið af trúmennsku og áreiðanleika að málum og unnið í sátt og samvinnu við borgarbúa og af heilindum að hagsmunum þeirra.

En það hvernig Hanna Birna talar um ársreikning borgarinnar núna minnir óþægilega mikið á fyrri kosningaslagorð Sjálfstæðisflokksins, minnir mikið á þegar Geir Haarde og Þorgerður Katrín seldu kjósendum ímynd sína sem "Traust efnahagsstjórn - þegar öllu er á botninn hvolft". Málið var það að öllu var á botninn hvolt og þegar ausið var úr þeirri fötu kom í ljós að þeirra efnahagsstjórn minni en ekki nein og þau voru í yfirhylmingarreið yfir spilltu og sjúku fjármálakerfi og sök þeirra er svo mikil í þeirri yfirhylmingu að ég skil ekki  ennþá hvers vegna þau eru ekki kölluð fyrir Landsdóm. 

Þess vegna finnst mér borgarbúar eiga kröfu á að vita hvernig staðan raunverulega er núna fyrir kosningarnar, hverjar eru þær skuldbindingar sem munu falla á borgarsjóð ef aðrir aðilar sem borgin er í ábyrgð fyrir munu ekki geta staðið við sínar skuldbindingar. Þá á ég sérstaklega við skuldbindingar  vegna skulda Landsvirkunar og hvernig standa málin út af sölu Landsvirkunar, sölu sem var fullnustuð í tíð 1. meirihluta, í byrjun þess kjörtímabils sem nú er að enda. Þeir borgarfulltrúar sem samþykktu þann samning samkvæmt fundargerð borgarráðs 11. nóvember 2006 voru:

Hanna Birna Kristjánsdóttir
Jórunn Frímannsdóttir
Júlíus Vífill Ingvarsson
Björn Ingi Hrafnsson.

Hver er staðan  í lok kjörtímabilsins?
Er líklegt að þessi samningur skelli á okkur, okkur að óvörum  eins og gerðist með  Icesave? Hvernig var borgun háttað frá Landsvirkjun? Var það bara að taka yfir lífeyrisskuldbindingar? Var þessi samningur einhver díll til að byrja að koma orkuauðlindum Íslendinga til einkaaðila,  aðgerð sem raunar bæði Samfylking og Sjálfstæðisflokkur hafa staðið að? Hvað ef Landsvirkjun getur ekki staðið við sínar skuldbindingar? Lenda lífeyrisskuldbindingar þá ekki hvort sem er á borginni? Ef allt fer á versta hugsanlega veg, þýðir það þá að borgin seldi Landsvirkjun gegn einhverjum skuldabréfum sem hugsanlega fæst ekkert fyrir og gegn yfirtöku lífeyrisgreiðsla sem munu koma hvort sem er koma í fangið á borginni?

Hvernig er samningurinn um söluna á Landsvirkjun? Getur verið að risastór hlutur í stærsta orkufyrirtæki Íslands hafi verið seldur fyrir spilapeninga og möndl og getur verið að sú staða komi upp að Reykjavíkurborg eigi ekkert í Landsvirkjun og engar forgangskröfur í eignir þar en standi uppi með ábyrgðir fyrir mikli stærri upphæð?

Þeir borgarfulltrúar sem skrifuðu undir samninginn um sölu á  Landsvirkjun á sínum tíma verða að hlíta því að fjárhagslegt innsæi þeirra og geta til að stýra stórum fyrirtækjum eins og Reykjavíkurborg séu metnir á grundvelli stærstu og afdrifaríkustu samninga sem þeir gera. 

Því spyr ég. Þegar Hanna Birna seldi Landsvirkjun fyrir fjórum árum, var það góður díll? "

 

Átti ekki að ræna Landsvirkjun og OR eins og símanum forðum ?

Sumt fæst keypt en annað ekki. Sumt er ekki falt

Jón Ásgeir gefst ekki upp fyrr en í fulla hnefana. Eignirnar kyrrsettar. Búinn að reka alla sem hægt er að reka. Ekkert haldbært fé. Króaður af inni í horni. Samt hótar hann skilanefnd og formanni hennar fangelsi og lætur í veðri vaka að HANN sé fórnarlamb ofsókna, upploginna saka og að allt sé bara slúður og vitleysa. Frá upphafi til enda.

Það er ekki annað hægt en vorkenna honum. Hann á bágt. Hann er veikur maður.

Jón Ásgeir segir Steinunni misnota dómstóla

Sókn er besta vörnin

Pálmi hótar og heitir lögsókn hverjum þeim sem bendlar hann við hrunið. Globalt.

So what ! Erum við ekki til í slaginn ?  Þó fyrr hefði verið. Gott hjá skilanefnd Glitnis.

Pálmi segir málsókn byggða á misskilningi