Listin að leggja í bireiðastæði og nýstárlegt hjálpartæki

 

 

 

Að leggja bifreið í stæði  er kannski ekki kjarneðlisfræði en það vefst þó stundum  fyrir fólki. Því hafa vísindamenn nú afleitt hagnýta stærðfræðiformúlu  sem nota má og gefur hún góða raun. Alltaf.

 

Nú eru margar bifreiðar  búnar alls konar skynjurum sem væla þegar maður er of nálægt bifreið fyrir framan eða aftan en þrátt fyrir það geta þessi hljóð, sérstaklega ef maður er að flýta sér, aukið á streituna í stað þess að vera til hægðarauka. Enn flóknari kerfi hafa myndavélar sem eru líkast því að vera  staddur í flughermi og það allra nýjasta eru kerfi sem ekki þurfa aðstoð bílstjórans  við að leggja í stæði.

 

Hvað gerir maður þá ef bifreiðin sem maður á er Golf frá 1995 ? Keyptur fyrir útrás og greiddurr að fullu, en án

teljandi þæginda.

Jú, notar gamaldags heiðarlega stærðfræði ! Professor Simon Blackburn við University of London´s Royal Holloway Collage hefur afleitt stærðfræðijöfnu sem gerir þetta að barnaleik.

 

Hann komst að því að 57 %  bílstjóra skorti sjálfstraust þegar kom að því að leggja bifreið í stæði. Einnig að 32% þeirra tóku fremur á sig krók , eða völdu dýrara stæði,  frekar en að freista þess að leggja í þröngt bifreiðastæði og tefla þannig í tvísýnu og hljóta  af rispað eða beyglað ökutæki . Og fá svo skammir heima eftirá .....

 

 

 

 

En hversu rökrétt sem jafnan kann að virðast gæti hún reynst sumum erfið því ekki er beinlínis verið að reikna

1+1 =     eða hvað ?

Enn fremur þarf að vita beygjuradíus, fjarlægð milli öxla. Einnig þarf að vita fjarlægð frá framhjólamiðju að framstuðara og  breidd bifreiðarinnar  sem maður leggur aftan við. Þessi útreikningur gefur þér síðan þá stærð

bílastæðisins sem þarf til að bakka  klakklaust inn í bílastæðið.

 

Þannig getur jafna Blackburns hjálpað þeim sem hafa lítið sjálfstraust eða eru að flýta sér , ja.. eða a.m.k. þar til einhver reiknar vitlaust.......

 

Góðar stundir