Heiðvirð kona í fram(a)sókn. Hennar tími kemur

Guðrún segir, að fundi með trúnaðarmönnum flokksins nýverið hafi hún vakið að  eigin frumkvæði, máls á þeirri staðreynd að fyrirtæki, sem sé að hluta til í eigu eiginmanns hennar, sé nefnt á nafn í skýrslu Rannsóknarnefndar Alþingis. Þetta hafi hún gert í þeim tilgangi að fyrirbyggja misskilning í röðum Framsóknarmanna þar sem margir þeirra eru illa brenndir af spillingarumræðu fortíðar. Fyrirtækið er nefnt á nafn í skýrslunni vegna þess að fyrirtækið veitti góðfúslega upplýsingar um viðskiptin til að auðvelda Rannsóknarnefndinni störf sín. Miðbæjareignir sæta ekki opinberri rannsókn. 

Kjarni málsins er að Guðrún Valdimarsdóttir vekur máls á hagsmunaárekstri sem telst óheppilegur og er bannaður í öðrum löndum.Hún gerir grein fyrir afstöðu sinni og upplýsir skýrlega í hverju hann felst. Fyrir það hlaut hún ávítur og illt umtal og gamla skítadreifaramaskínan hrökk strax í gang að nýju. Ata mannorð, vega að æru, rægja og ófrægja.

En mér finns framkoma hennar heiðvirð. Það sama verður ekki sagt um viðbrögð gamla eignarhaldsfélag flokksins . Það væri nær að fleiri skoðuðu sinn hug og samvisku og gerðu hreint fyrir sínum dyrum. Því öll mál koma upp um síðir.

 

Segir sig af lista Framsóknarflokksins

Ljómandi gott PR, PR more PR and mostly PR

PR er PR. Það er óþarfi að agnúast út í forsetann útaf viðtölum í erlendum sjónvarpsstöðvum. Það sem hann segir er á allra vitorði, að búist er við Kötlugosi. Það er ekkifrétt. Nú ef menn gleypa við þessu hráu er það þeirra mál. Það hefur verið lenska að skjóta sendiboða illra tíðinda í þeirri von að atburðarás sögunnar endi þar með,punktur,basta. Svo er ekki.

Látið af þessu karpi um hvað forsetinn má segja eða ekki. Hann er- lifandi- þenkjandi- yfirvegaður maður. Ekki uppstoppuð brúða.

Dýrkeypt yfirlýsing forsetans

Að bera í bakkafullan lækinn...

Staða heimilanna væri mun betri ef stjórnin hefði tekið á því sem var brýnast: Heimili landsmanna. Hvernig hefði það verið t.d að hafa 35 milljarða til að hjálpa þeim sem mest þurfa. Þetta er sú upphæð sem skilanefndir bankanna (lesist=lögfræðingar) hafa fengið fyrir að einkavæða bankana á ný og koma þeim í hendur fyrri eigenda/óþekktra aðila. Þessir menn voru nefnilega ráðnir upp á prósentur en eðlilegar hefði verið að viðhafa tímakaup. Þvílík fásinna. 

Nú á ekki að gera neitt. Láta vanskilapakkið fara á hausinn og vergang. Það er í hnotskurn samningur Skallagríms og Albínomærinnar við AGS og bankana.

Þeirra orðstír mun lifa um aldir. Sem víti til varnaðar og vansa.

Nauðungaruppboðum ekki frestað frekar

AGS lætur glitta í tennurnar

Auðvitað eiga bankar og fjármálastofnanir að greiða skatt, háan skatt. Eins skal haft öflugt eftirlit með þessum stofnunum. Bonusgreiðslur skulu afnumdar og atvinnuumhverfið fært í eðlilegt horf.Opna skal innsýn í bankakerfið fyrir aðhaldsaðila. Skatturinn gæti nýtst til að halda uppi öflugu eftirliti.

AGS vill skatta á banka

Brennt barn forðast eldinn.Fool me once shame on....eehh..

svo man Bush Jr.  forseti USA ekki meira (kostulegt á YOUTUBE)! Þessu hlæjum við að en eins og flestir vita ber það vott um --skort að gera sömu mistök enn og aftur .Stjórnmálamenn okkar virðast brenndir þessu marki og satt best að segja veit ég ekki hvað þeim gengur til. Að mínu mati er ótal spurningum ósvarað varðandi Björgólfana. Ég myndi ekki hafa nein viðskipti við þá menn sem rökstuddur grunur er að stundi viðskipti með illa fengið eða ekkert fé .Þeir hafa verið afhjúpaðir sem siðblindir þorparar og ræningjar sbr Landsbankann,Samson o.s.frv. Hvitflibbakúluvambabófar.

Vítin eru til að varast.

Hverjir eru annars í Iðnaðarnefnd ? Er hægt að bera á þá fé ?

Hlutur Björgólfs Thors metinn í iðnaðarnefnd

Steingrímur skapar óróa og hræðslu og í sífellu

því það er ekki orð að marka sem hann segir eða segir ekki. Það hefur skapað mikinn óróa og hræðslu meðal manna. Leynimakkið milli Fjórmenninganna og AGS er forkastanlegt með öllu og  gæti maður storknað og drepist af  eigin lygi og undirlægjuhætti, væri þessi klíka  dauð fyrir löngu . Nú þegar þau eru búin að afhenda AGS  landið á silfurfati gefst tími til að dreifa athyglinni aðeins með smá lýðskrumi um eldgosið.

Öll úrræði stjórnarinnar koma of seint og eru of lítil.

Nú þegar hafa nokkrir bændur örvinglast og þurft sáluhjálp, aðrir hafa sent alla gripi í sláturhús og eru að bregða búi. Og svo má  ekki minnast á Kötlugos í framhaldinu til að skapa ekki óróa og hræðslu. Ekki vera með vangaveltur um slíkar hörmungar ! Fólk gæti orðið hrætt.!  SJS gætir þess einnig að hnýta í Forsetann vegna ummæla hans við erlenda fréttamenn, um hugsanlegt Kötlugos.  Hvaða vitneskju hefur SJS um þessa hluti ? Borgar það sig ekki að vera við öllu búinn þegar náttúruöflin eiga að hlut. Það voru nú reyndar jarðfræðingar og vatnamælingamenn sem bentu á þessa tengingu við Kötlu. Á kannski ekki að taka mark á þeim ?? Það gæti nefnilega allt eins komið Kötlugos í kjölfarið.Það er ekki háð því hvað Steingrímur segir, heldur lýtur það öðrum lögmálum.

Of seint, of lítið

"Ríkisstjórnin leggur áherslu á að upplýsingum sé skipulega komið til íbúa svæðisins, þeim veitt sálgæsla og annar nauðsynlegur stuðningur. Í þessum tilgangi hefur verið komið á fót sérstökum þjónustumiðstöðvum á Heimalandi og í Vík. Sérstökum upplýsingum verður komið á framfæri um tjón sem bætt er af Bjargráðasjóði og Viðlagatryggingu, og þessum aðilum gert kleift að sinna sínu lögbundna hlutverki. Í því sambandi skal sérstaklega tekið fram að ríkisstjórnin mun beita sér fyrir að Bjargráðasjóði sé tryggt nægilegt fjármagn til að standa undir því tjóni, sem honum er lögum samkvæmt ætlað,"

Leggjumst öll á eitt að rétta þeim hjálparhönd sem hafa beðið tjón af eldgosinu í Eyjafjallajökl !

Óþarft að skapa óróa og hræðslu

Hannes Smárason svari fyrir sig

eða er hann í felum ? Hefur einhver séð manninn ? Hann hefur væntanlega svör við öllum spurningum, afsakið, ég meina lögfræðingahirð Hannesar mun auðvitað svara ( seint eða ekki). Hann ber kannski     við minnisleysi eða bankaleynd, hvur veit. En er þetta ekki lýsandi dæmi um konu (og það er aukaatriði) sem kann sitt verk og kann það vel. Hún veit hvernig atvinnulífið vinnur og starfar og sinnir starfi sínu að heilindum,dugnaði og heiðarleika. Hana rekur í rogastanz þegar 3 milljarðar eru fluttir af rekstrarfé FL Group yfir í FONS gegnum Kaupþing (bófar) Lux án hennar vitneskju. Bankaleynd ? Fjárdráttur ?

 

Ragnhildur Geirsdóttir með heiðarlega og heilbrigð viðskipthætti hefur auðvitað ekki getað unað þessu . Skiljanlega. 

Staðfestir millifærslu frá FL

Verra en morðtilraun.

Minnir á aðferðir glæpamanna austantjalds. Ef maðurinn lifir verður hann iðraaumingi það sem eftir er.

Var neyddur til að drekka stíflueyði

Látið Hrafn í friði !

Menn sem Hrafn þurfa svigrúm til að geta andað. Mörgum finnst alveg stórkostlegt að sjá hús Hrafns og umhverfi. Sérstaklega útlendingum. Þetta er engum til ama nema einhverjum auvirðilegum sálum sem amast við öllu, fullir óhamingju og öfund. Gefið manninum svigrúm, andrými og stækkið við hann lóðina ef það er málið. Andinn frjálsi verður ekki skipulagður, bara andleysið þrúgandi.

Hrafn fær líklega frest

Þetta er lýsandi dæmi um um hið nýja innsæi í kerfið

Allt við sama heygarðhornið. Lilja veit hverjir eigendur bankanna eru. SJS vill ekki segja það opinberlega. Gylfi er páfagaukur sem hermir það sem hann á að herma. Þetta er farsi sem á ekki sinn líka á byggðu bóli. Hér er greinilega ekki þjóðarhagur hafður að leiðarljósi. Málefnin skulu framar einstaklingum. Uppbygging í stað stöðnunar eða afturhvarfs.  SJS, hann  stendur eins og sjóræningi í brúnni á sundurskotnu, sökkvandi fleyinu, Íslandi. Með krók,tréfót, eineygur og með lepp fyrir sjáandi augað. Mælandi slitna frasa af munni fram. Enginn hlustar, maðurinn segir hvort eð er ekki neitt. Stjórnleysi ríkir, gömlu bófarnir, dólgarnir eru að seilast til valda á ný. SJS þegir .

Stjórnmálin einkennast af stjórnleysi. Á þeim vettvangi er aðeins hugsað um að sýna fram á það versta hjá öðrum til þess að upphefja sjálfan sig. Ota sínum tota , skara eld að eigi köku. Búin eru til vandamál, en ekki leyst, svo sýnt sé fram á dugnaðarleysi annarra. Í atvinnulífinu leitast maður við að leysa vandamál sem steðja að. Maður leitar lausna, ræðir við aðra; reynir að laða það besta fram hjá samstarfsfólki sínu. Þessu er öfugt farið í stjórnmálum. Þar er sundrað en ekki sameinað, sáð efasemdum. Gert tortryggilegt. Logið vísvitandi og blákalt fram í rauðan dauðann. Bent á aðra. Öllu snúið á haus. Fé annarra ráðstafað eftir geðþótta. Menn settir í verk sem þeir kunna ekki og lengi mætti telja.

Í atvinnulífinu eru slíkir menn reknir umsvifalaust. Með skít og skömm.

Vill nánari upplýsingar um eignarhald á bönkunum