Hvað vill læknirinn ?

Eins og ávalltf var farið of geyst af stað með gífuryrð iog fullyrðingar sem voru órökstuddar og rangar, dylgjur og róg og mannorð læknisins eyðilagt og líf fjölskyldu hans um leið . Það er ekki í fyrsta skipti sem ráðamenn beita slíkum ósóma á hendur læknum sem þeim er í nöp við.

Þegar upp er staðið eru sakargiftirnar smámunir einir saman.Samanber hér.

En skaðinn er þá orðinn það mikill að ekki verður um bætt og raunar enginn vilji hjá ráðamönnum að bæta lækninum ærumissinn, tekjutapið og umtalið illa, -Nei, þögnin ein, hroki og stærilæti.

Ekki myndi ég kjósa að vinna aftur undir slíkum kringumstæðum.

Því skal gefa gaum að afar erfitt er að finna góða velmenntaða lækna sem vilja vinna á stöðum sem þessum: Fjarðarbyggð og nágrenni .

Slíkir læknar eru gulls ígildi.

Möppudýr og skriðdýr má hins vegar finna hvar sem er innan opinbera geirans, og eru oft valin af handahófi til trúnaðarstarfa og mannaforráða á landsbyggðinni ,ýmist til þess að borga vinargreiða eða til að þess eins að losna við þá ur augsýn.

Nú er spurningin aðeins hvort læknirinn geti, undir nokkrum kringumstæðum og að skilyrðum uppfylltum,hugsað sér að snúa aftur á þennann stað þar sem ráðamenn lögðust á eitt að hrekja hann burtu. 

Svo skemmtilega vill til að  við hlið auglýsingar fyrir Fjarðarbyggð stendur feitum stöfum: Þú ert á góðum stað !

 

 

Vilja nýta starfskrafta læknisins

Jóhanna ekki ráðalaus

og gætt þetta orðið flokknum til framdráttar.

Enkavæðingin sem slík var ekki slæm. Það sem var slæmt var að gefa bankana, símann, orkuveituna og önnur fyrirtæki og fasteignir til vina og vandamanna. Til fólks sem engan skilning hafði á eðlilegum viðskiptaháttum, rúið skynsemi og gáfum og knúið áfram af græðginni einni . Það er staðreynd.         Eftir standa stjarnfræðilega háar skuldir í krónum sem Alþingi ætlast til að Almenningur greiði.En peningafíflin eru án ábyrgðar sem og þeir alþingismenn sem að baki stóðu og komu einkavæðingunni af stað. Það skorti allt eftirlit með fjármálastarfseminni og spillingin bjó um sig. Gullasninn var komin í bæinn og vitið , siðalögmál og góð gildi voru fótum troðin. 

 Annars er furðulegt hve lengi er verið að staga og stoppa í skýrslu rannsóknarnefndar Alþingis. Hún hlýtur að vera verulega slæm fyrir suma aðila sem allt gera til að hindra birtingu hennar. Ég hef þá trú að þessi skýrsla verði heldur ómerkilegt plagg þegar upp verður staðið. Sannleikanum snúið í lygi, hvítt verður svart, staðreyndum snúið á haus og allir hlutaðeigandi saklausir eða blekktir af vondum aðilum.Engin ábyrgð.Enginn fer, allir sitja enn á sínum stólum.

En, maður spyr sig: Gerðist þetta allt af sjálfu sér ???

-Nei, fólk sem er kjörið til trúnaðarstarfa og þiggur laun fyrir (mútur jafnvel) ber ábyrgð og ef það stendur sig ekki skal það þvingað til afsagnar embættis/starfs, því íslenskir ráðamenn virðast ekki skilja það að rúin trausti þá starfar maður ekki áfram eins og ekkert hafi í skorist. Fær reisupassann. Rekinn. Með skít og skömm.

Hreinsum Ísland ,ósómann burt !

Boðar rannsókn á einkavæðingunni

Hæsta óeðlilegt

að bankarnir komist í þá aðstöðu að geta ráðskast með grundvallaratvinnuveg á þennan hátt. Getur það talist eðlilegt að lánadrottinn fari í samkeppni við önnur bú sem enn geta greitt af skuldum sínum og hafa kannski lán sín hjá sama banka sem keppir við þau ? Er það eðlileg samkeppni? Samkvæmt samkeppnislögum fær það ekki staðist...Allir sem vilja sjá að enginn getur búið við slíkt hreðjatak lengi.
-Nei, það þarf að setja hið snarasta lög um starfsemi bankastofnana á Íslandi svo sama vitleysan byrji ekki á ný.

Tími peningafíflanna er liðinn.

Bankar hætti kúabúskap

En skrýtið !

Alveg furðulegt hve illa gengur að fá bætur vegna mistaka lögreglu eða embættismanna ríkisins. Umrætt mál telst fyrnt eftir 8 mánuði og vafalaust hefur það ekki verið tilkynnt viðkomandi á fullnægjandi hátt. Gagnvart lítilmagnanum beitir "réttarríkið" fantaskap og nauðung en verður ekki sjálft sótt til saka og engar skuldir til þess fyrnast ; jafnvel eftir dauðann.  

Var maðurinn sekur ?  Nei, saklaus uns sekt er sönnuð.

 

Ríkið sýknað af bótakröfu vegna gæsluvarðhalds

Þér munuð afneita mér þrisvar og svíkja

sagði skeggjaður maður við lærisveina sína að kvöldverði loknum. Hann vissi hvað verða vildi.

Veit Frjálslyndi flokkurin (reynar öfugmæli !) hvað verða vill við árgal ?

 

Góðar stundir

Afneita Ólafi F. Magnússyni

Lygar um lygar

eru líka lygar.

góðar stundir....segið satt

Vísar ásökunum um lygar á bug

Grunnur, stoð og stytta FF

Mikið hefur þessi maður þurft að þola og ranglega. En hann kemur til dyranna eins og hann er klæddur og hefur virðingu mína fyrir hreinskiptni og heiðarleik. Megi aðrir taka það til eftirbreytni að segja satt og beita ekki ljótum vélráðum og persónuárásum í ræðu og riti. Sópa hreint fyrir sínum dyrum en ekki undir teppið, tala tæpitungulaust en fara ekki með fleipur og hálfsannindi. Sagt er að sannleikurinn geri þig frjálsan og það eru talsverð sannindi í því orðatiltæki. Ólafur stendur sterkur meðan aðrir sem tóku þátt í spillingunni sjá fjara undan sér fylgi og mannorð.

Góðar stundir

PS: Ég fylgi honum ekki að málum en dáist samt að Hr. Ólafi F. Magnússyni

Ólafur: Fengu ekki mann fyrr en hann bauð sig fram

Ólafur Ragnar Grímsson talar tæpitungulaust

Auðvitað fá lyddurnar hland fyrir brjóstið og grípa til gífuryrða, formælinga, ærumeiðinga og dónaskapar
Jafnvel undir dulnefni.
En hann er sá MAÐUR sem stendur uppúr lágkúrunni og hryggleysingjahættinum eins og risi meðal dverga, karlmenni meðal músa. Pólítíkusarnir í stjórn eru í samanburði sem lindýr og mannleysur.
Nú hefur hann afhent okkur vald sitt, svo að við getum kosið og haft áhrif á úrslit landsmála. Nýtum við okkur ekki þann rétt getum við sjálf kennt okkur um hvernig fer.

Góðar stundir

„Það er verið að kúga okkur"

Ofurmenn nútímans...

Læknar vinna vaktavinnu. Hjá því verður ekki komist.Svona var þetta áður og svona er þetta nú ; lítið hefur breytst.Til stóð að líkja eftir vaktakerfi sem tíðkast innan EU varðandi hvíldartíma, aukasporslur fyrir vaktir og álag, enda viljum við teljast siðmenntuð þjóð . En það hefur ekki verið hægt að líkja eftir EU í þessum efnum því bæði skortir fé og fólk til þessa. Landið er of lítið. Spítalalífið kýs maður meðvitaður um kosti þess og galla alveg eins og sjómennsku eða önnur störf. Alveg sama hvers kyns maður er, kynlaus eða gay.                                                                      Áhöfn á fiskiskipi er kannski 12-14 manns og eitthvað myndi nú heyrast ef hásetarnir krefðust þess að þeim fjölgaði um 10 manns svo þeir gætu hvílst, legið á netinu, drukkið kaffi, spilað og blaðrað á frívaktinni.

Að vera læknir og að sér í lagi ánægður læknir snýst, þegar upp er staðið, ekki um kaup og kjör. Það tekur bara tíma að átta sig á því.

Góðar stundir

Læknar hafa áhyggjur af sparnaði

MUNCHAUSEN BY PROXY

Minnir svolítið á Ríkisstjórnina á Djöflaeyjunni.
Við erum pínd svo þeir geti notið athygli og spókað sig í sviðsljósinu, hlotið mikla athygli og samúð og talað niður til okkar sem til óvita. Fjármuni okkar sem við misstum vegna "veikinda" ráðstafa þeir sín á milli með illa dulinni græðgi vitandi þess að enn eru þeir hafnir yfir landslög.
Stjórnin segir :-Þjóðin er veik, en við kunnum að lækna hana.....en þá verðið þið, góðborgarar, að trúa okkur og gera allt eins og við viljum. Ekki leita til annarra lækna , -ella fer afar illa ! Við erum hið móðurlega afl sem lítur til hagsmuna ykkar og heilsu .
Síðan er farið með okkur milli mismunandi lækna; allt miklir spekingar og sérfræðingar á sínu sviði, skattalæknisins sem gerir okkur enn veikari og honum verður að borga undanbragðalaust því hann tekur ekki VISA. Svo kemur bankalæknirinn og tekur afganginn ; húsið, gasgrillið, gufustraujárnið og bílinn sem hann lét okkur hafa að láni. En núna er allt dýrara en þegar við keyptum hlutinn og þó við skilum öllu dugar það ekki til. Við skuldum samt hærri upphæð en tekin var að láni og eigum ekki fyrir leigu eða mat !?? Galdur ? -Nei, vanskilagjald, seðlagjöld, innheimta, vextir, vaxtavextir, okurvextir og verðtrygging sjá um þetta erfiðleikalaust.Tölur á pappír ljúga ekki ,eða hvað ?
Við skiljum ekkert en látum allt yfir okkur ganga .Eftir sitjum við og erum enn að borga af skuldunum þar til einhver bendir á að við vorum alls ekki veik, heldur hafi okkur verið gerð upp veikindi og þar með látin þola viðvarandi kvalir og þrengingar að ósekju. En þá höfum við þegar kosið sama góða fólkið aftur ,allt saman eru þetta miklir vinir MÖMMU Jóhönun og PABBS Skallaríms, því nú verður allt betra, -já glæsilegrar niðurstöðu er að vænta. Mikið hlakka ég til !

Lét son sinn þola gríðarlegar kvalir