Færsluflokkur: Heilbrigðismál

Kominn tími til að vakna

Er okkur sama ?

Það er þá nokk sama hvort sveitafólk og þeir í dreifbýli komi seint um síðir undir læknishendur. Eða ná því ekki. Deyja á leiðinni. Eða lenda í slysi á leið til sérhæfðar þjónustu á höfuðborgarsvæðinu. Þetta gæti þýtt varanleg örkuml eftir slys, andvana fædd börn, dauða úr bráðum sjúkdómum og aukna tíðni fylgikvilla .

Það er dýrt fyrir þjóðfélagið að hafa góða heilsugæslu og minni sjúkrahús tiltæk á landsbyggðinni. En vel að merkja hefur það verið hægt hingað til .Þau eru lítil, þau veita einfalda þjónustu  sem sinnir brýnustu þörfum og fólk deyr þar í friði. Og nýjir þegnar líta dagsins ljós. Nú skal allt í einu skorið niður en það er ekki á rökum reist heldur ræður geðþótti  ríkjum. Einhver skal blæða fyrir sukk stjórnvalda sem sóa milljörðunum í virkjanir sem við þurfum ekki, utanríkisþjónustu og sendiráð, einhverjir þurfa líka að borga skuldir bankaræningja og kvótagreifa með skattpeningum sínum og þar fram eftir götunum. Ekki þeir, -ónei. Heldur þú, ég og hinir.

Það er komið nóg fyrir löngu af frekju stjórnvalda og hroka.


mbl.is Mótmælt víða við heilbrigðisstofnanir
Tilkynna um óviðeigandi tengingu við frétt

Vinnuvélar og öryggismál

Sumir ættu ekki að setjast upp í stórvirkar vinnuvélar og stjórna þeim. Því miður eru margir haldnir drykkjusýki eða miðtaugakerfis-sjúkdómum, ss flogaveiki, sem gera það samt sem áður. Þekki vel íslenskt dæmi þar sem ágætis maður settist upp í CAT 998N . Þá var unnið að frágangi við verksmiðjuna á Grundartanga. Öflug vél, vanur maður en í miðjum klíðum fær hann flogakast og vélin rann gegnum metersþykkan, olíufylltan háspennustreng, og olli miklu tjóni. Manninum hafði verið meinuð notkun vinnuvéla eftir sprengislys sem leiddi til flogaveiki, að auki blautur, en ég tek það fram, hinn besti maður til vinnu og í umgengni.
mbl.is Varð 11 að bana með hjólaskóflu
Tilkynna um óviðeigandi tengingu við frétt

Ótímabær dauðsföll !

Hvenær er tímabært að þeir deyji ? Er ekki talað um að deyja fyrir aldur fram, af völdum neyslu eiturlyfja og áfengis.

Fáni SÁÁ


mbl.is Ótímabær dauðsföll meðal fíkla færri
Tilkynna um óviðeigandi tengingu við frétt

Velferðarkerfið (þarf) á að grennast ! Stólpípa Jóhönnu

Utanríkisráðuneytið heldur úti dýrum sendiherrum og sendiráðum. Köllum þá heim og látum dani sjá um þetta fyrir okkur.Seljum sendiráðin. Það er gervihnattaöld ef einhver hefur misst af því. Bréfdúfur ?

Það má líka hreinsa til í hinum ýmsu embættum hjá ríkinu, þar sem sumir hafa gróið fast við stólana sína og enginn veit hvað þeir gera.

Grunn þjónustan , heilsugæslan , getur meira. Allt annað er bull. Borgið þeim bara betur og tífaldur sparnaður kemur strax í ljós.

Byrjið að fækka starfsmönnum sem gera ekki annað en framleiða skýrslur sem enginn les. Nóg er af slíku fólki, með hátt kaup en enga getu til vinnu á gólfinu. Á gólfinu eru verkin unnin og af fagfólki ,sem neyðist til að eyða dýrmætum tíma í quasibull og vitleysi á endalausum fundasetum.

Svo eru rafræn færslukerfi spítalanna orðin svo viðamikil að starfsfólk hefur varla tíma fyrir hið raunverulega starf. Matadorleikur með gervipeninga og gæðastjórnunarferli í eilífri hringrás. Þetta gefur lítið sem ekkert bitastætt og kostar fáránlega mikið. Þetta er bara common sens í nonsens kerfi.

Hvað á að skera niður í almannatryggingarkerfinu ? Láta sjálfstætt starfandi lækna borga meiri afslætti, eða borga með sér ? Banna ákveðnar aðgerðir ? Láta sjúklingana borga sjálfa ?Níðast á fárveiku fólki með reglugerðarnauðgunum og svívirðingum ? Skerða smánarbæturnar til öryrkja enn meira ?

Leggið TR niður, þar mun sparast óhemjumikið fé. Rekið alla. Þessi stofnun er skrímsli sem er í nöp við lækna og sjúklinga og TR er alltaf að stækka. TR eru einskonar flóttamannabúðir fyrir óhæft fólk, menn sem þarf að losna við, sérstaklega topparnir. (undantekningar eru til)

Forgangsröðun ? Hvað kann eða veit Árni Páll um forgangsröðun í heilbrigðisgeiranum.? Hann er Nató-mangari og Brussel kerfiskarl sem mestmegnis hefur alið manninn í fínum sölum sendiráða utanríkisþjónustunnar sem gamalt Alþýðubandalagshjú. 

Hvernig væri nú að veita einu sinni því fjármagni í heilbrigðiskerfið og almannatryggingar sem þarf í stað þess að gefa í skyn að þar sé eytt óhóflega og alltaf þurfi aukafjárveitingar. Verið að ala á óvild í garð lækna og stjórnenda spítalans.  Á sama tíma á að henda 700 millj í PR fyrir Ísland og milljörðum í utanríkisþjónustuna . Landi sem auglýsir sig sjálft og vel að merkja okkur að kostnaðarlausu, með mikilfenglegu eldgosi og mikilli erlendri umfjöllun. Tölum nú ekki um þá ókeypis umfjöllun sem þessi og fyrri ríkisstjórn hafa fengið um víða veröld. Hryðjuverkastjórnin. Helfararstjórnin gegn Íslendingum. Bogin bök okkar halda  uppi geysilegri yfirbyggingu afæta sem sitja um að éta af hverri krónu sem aflað er. Við sem vinnum verðmæti úr sjó og  landi sem  lofti erum langþreytt. Afætuhlutinn eykst jafnt og þétt. Þar er ekki sparað eða skorið niður. Til hvers ? Þeir eru að verða búnir að ná öllu af okkur og við sitjum uppi með skuldirnar um ókomin ár.

Nú þegar er sparað svo mikið á spítölum landsins að algeng krabbameinslyf voru ekki til vikum saman og fólk gat ekki hafið meðferð. Enginn veit afleiðingarnar. Hugsi hver fyrir sig. Hvernig liði þér með nýgreint krabbamein eða meinvarp.

Kannski á að spara lyf við krabbameinssjúklinga, börn sem aðra ? Neita þeim um lækningu erlendis ?Neita þeim um lyf sem gagnast ?  Forgangsraða ! Of gamall. Of ungur. Of fátækur. Ekki flokksbundinn.

-Nei. Stjórn Albónómærinnar eyðir verðmætunum í hjóm og fánýti , leynimakk og svikráð. Nú á að stofna lífi fólks í hættu með samdrætti og sinnuleysi.

Sinnu- og athafnaleysið er það versta. Það drepur allt sem byggt hefur verið upp af alúð og hjartahlýju.

Vanti ykkur 40 milljarða eða meira þá hunskist til að sækja þá. Þið vitið hvert fara skal ! 

Reiður 

 


mbl.is Velferðarþjónustan skorin niður
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband